வெட்டிச் சிந்தனைகள் (அ) பித்தளை மொழிகள்

1. உனக்கு சாமி பிடிக்காதுங்கறதுக்காக வீட்டு காலண்டர்ல விநாயகர் சதுர்த்தி வராம இருக்காது.

2. படுத்துக்கிட்டு போர்த்திக்கிட்டாலும், போர்த்திக்க்கிட்டு படுத்துக்கிட்டாலும் தூக்கம் வந்தாதான் தூங்க முடியும்.

3. முழுக்க நனைஞ்சிட்டாலும் முக்காடு போட்டுக்க. நனைஞ்சது யாருன்னு தெரியாம இருக்கும்.

4. உடம்பு சரியில்லைன்னா மாத்திரை எடுத்துக்க நியாயம். மனசு சரியில்லைன்னு மருந்து தேடுறது அநியாயம்.

5. நியாயத்துக்கும் அநியாயத்துக்கும் பெருசா ஒண்ணும் வித்தியாசம் இல்ல. ஒரே ஒரு எழுத்துதான் வித்தியாசம்.

6.கல்யாணம் பண்ணிக்கப்போற பொண்ணு ஷாலினி மாதிரி இருக்கணும்னு எதிர்பார்க்குறது தப்பில்ல. அதுக்கு நீ அஜீத் மாதிரி இருக்கியான்னு கண்ணாடியில பாத்துக்க.

7. எந்த பொண்ணும் உன்னை காதலிக்கலங்கறத காதல் தோல்வின்னு சொல்லக்கூடாது.

8. நியாயமா யோசிக்கறவன் சிந்தனாவாதி.... அநியாயமாய் யோசிக்கிறவன் அரசியல்வாதி.

9. காதலுக்கு பரிசா பூ கொடுக்கணும்னு வாழைப்பூ கொடுக்கறது தப்பூ..

10. நேத்து நீ என்னத்த கிழிச்சேன்னு யாரும் கேக்குறதுக்கு முன்னாடி காலண்டர்ல தேதிய கிழிச்சிடு.

11. குப்புற விழுந்தும் மீசையில மண் ஒட்டலன்னு சொன்னா அவன் க்ளீன் ஷேவ் பார்ட்டியாத்தான் இருக்கணும்.

12. நரம்பறுந்த வீணை..... காற்றில்லா உலகம்...... உன் நினைவுகளுடன் நான்..... ஒண்ணுக்கும் உதவாதுன்னு சொல்ல வந்தேன்...

சென்ஷி