என்ன கொடும சுப்பையா சார் இது..?!!!?

உண்மையிலேயே இப்படி மறுபடி மறுபடி சொல்றதுக்கு மனசுக்கு கொஞ்சம் கஷ்டமாத்தான் இருக்குது.

என்னைப்பத்தி என் கல்யாண ராசியப் பத்தி ஊர்ல எல்லோருக்குமே தெரியும்னாலும் நானே பதிவு போட்டு தமிழ்மணத்துக்கு தெரிய வச்சிருந்தேன்.

கல்யாணராசின்னா என்னன்னு தெரியாதவங்க என்னோட இந்த பதிவ படிச்சுப் பாருங்க. இல்லைன்னா கஷ்டப்பட வேணாம். நான் அடுத்த பாராவுல அதைப்பத்தி எழுதிடறேன்.

யாருக்காவது பொண்ணுக்கு கல்யாணம் ஆகனும்னா நம்மளை லுக் விடுறாளுங்க.. கல்யாணம் கட்டிட்டு போயிடுறாளுங்க. நமக்கு ரொம்ப நாள் டவுட்டு.. இது உண்மைதானான்னு தெரிஞ்சுக்க லேடிஸ்காலேஜ்ல படிக்குற காலேஜ் பஸ்ல போற ஒரு பொண்ண பாத்து சிரிச்சு வச்சேன். ரெண்டு நாளைக்கு அப்புறம் பஸ்லேந்தும் சிரிப்பு வரத்தொடங்க... 4வது நாள்லேந்து ஆளைக்காணோம். என்னடான்னு கேட்டா.. அவளுக்கு கல்யாணம்ன்னாங்க. சத்தியமாங்க... அப்பத்தான் என் கூட இருந்த பசங்களே நம்புனாங்க.. எனக்கு இப்படி ஒரு தோஷம் இருக்குன்னு :(

கேர்ள் ப்ரண்ட் உள்பட எல்லோரும் என்னை வச்சு கிண்டல் பண்ணியாச்சு. என் ஃபிரண்ட்ஸ் அன்னைலேந்து தூது போகக்கூட என்னை அனுப்ப பயப்படுறானுங்க.

இந்த பதிவு போட்ட அன்னிக்கு நைட்டே தல பாலபாரதி போன் செஞ்சு "ஏண்டா மாப்ள! உன்னோட இந்த ராசி பொண்ணுங்களுக்கு மட்டும் தான் ஒர்க் அவுட் ஆகுமா.. இல்ல பசங்களுக்குமா"ன்னு கேட்டு ராகிங் செஞ்சாரு.
(குறிப்பிட வேண்டிய விசயம்: தலைக்கு கல்யாணம் நடந்ததுக்கும் எனக்கும் எந்த சம்பந்தமும் இல்லை. வீணாய் பிரம்மச்சாரிகள் என்னை தொந்தரவு செய்ய வேண்டாம்.)

மறுநாள், செந்தழல் ரவி போன் செஞ்சு, "ஏன் சென்ஷி! வேலை வாய்ப்பு பதிவுக்கு பக்கத்துல கல்யாண மாலை பதிவும் ஆரம்பிக்கலாமா"ன்னாரு. அவருக்கு தெரிஞ்ச நிறைய்ய ஆண்ட்டிங்க கல்யாணம் ஆகாமலேயே இருக்காங்கன்னு அப்புறமா தெரிஞ்சுக்கிட்டேன். கூடவே சில பேர் மெயில்ல வேற டார்ச்சர்.. அந்த கதைய இப்ப சொன்னா சுவாரசியமா இருக்காது. அதனால் அது சென்சார்..

கோவையில ஆசானை பார்த்தப்பக்கூட இந்த மேட்டர கேக்க தோணாம மத்த விசயம் எல்லாம் பேசித்தீர்த்தேன். (இல்லன்னா அவர் பேசுனத கேட்டுக்கிட்டு இருந்தேன்னு கூட சொல்லிக்கலாம்).

சரி. இந்தியாவ விட்டே வந்தாச்சே சார்ஜாவுல நமக்கு ராசி ஒர்க் ஆகிடும்ன்னு நம்பி ஆயில்யனை கேட்டேன். அவரும் "கவலையேப்படாதீங்க அண்ணே! வீக் என்ட் ஜொள்ளு போட்டா உடனே கல்யாணம் தான். பாருங்க நம்ம மங்களூர் சிவாவ" அப்படின்னு உதாரணமெல்லாம் கொடுத்தாரு.

ஒரே ஒரு போட்டோ போட்டு ஒரு பதிவுதாங்க போட்டேன். அதுக்கே பாருங்க. ஓணம் அன்னிக்கு ஏசியா நெட் டிவியில மீரா ஜாஸ்மின் பேட்டி கொடுத்திருக்காங்க. அவங்க கல்யாணத்துக்கு ரெடியாம். மாப்பிள்ளை பெங்களூர். கர்நாட சங்கீதம் போல.. என்ன கொடும சார் இது..!

வீக் என்ட் ஜொள்ளு போட்டு எனக்கு கல்யாணம் ஆகும்ன்னு நினைச்சா இப்படியா விதி திருப்பிக்கிட்டு அடிக்கணும். அம்மிணிக்கு கல்யாணம் பிக்ஸ் ஆன சோகமான சுகமான சந்தோசத்தை நான் யார்கிட்ட சொல்லி அழ...! வெறும் போட்டோ போட்டு சொன்னதுக்கே இந்த கதின்னா மத்ததப்பத்தி நீங்களே யோசிச்சு பாருங்க மக்களே...!

ஆக மொத்தம் இதனால எனக்கு தெரிஞ்ச தெரிஞ்சுக்கிட்ட விசயம் என்னன்னா இன்னும் என்னோட கல்யாண ராசி படு பயங்கரமா என்னை கைப்புள்ள ஆக்கி சுத்தி சுத்தி அடிச்சு தன்னோட வேலையை காட்டிட்டு இருக்குது.

டிஸ்கி 1: ஆசானே! இந்த ராசி தற்காலிகமாவாச்சும் தடை செய்ய ஏதாச்சும் பரிகாரம் இருக்குதா? ஜலதோஷம் பிடிக்காத சந்தோஷமான பரிகாரம்ன்னா ஓக்கே :)

டிஸ்கி 2: இதை படிச்சுட்டு டெல்லியிலேந்து மங்கை அக்காவோ இல்ல முத்துக்காவோ, இது தீர ஒரே வழி வீட்ல பார்க்குற பொண்ண கல்யாணம் செய்யறதுதான்னு பின்னூட்டம் போட இப்பவே தடை உத்தரவு சொல்லிடறேன். இந்த பாராவை காப்பி பேஸ்ட் செஞ்சு கூட ரிப்பீட்டே போடக்கூடாது சொல்லிட்டேன். புதுசா வேற பின்னூட்டம் அய்யோ பாவம் இப்படி போட எந்த அப்ஜெக்சனும் இல்ல.. :):)

டிஸ்கி 3: சூழ்நிலைய பார்த்தா விடை கொடுங்கள் நண்பர்களேன்னு கடைசி பதிவு போட்டு, மொத்தமா இழுத்து மூடிட்டு சாமியாரா போயிடலாமாங்கற எண்ணமும் இருக்குது. தலைமை சீட கேடியா ஆயில்யனை நியமிக்கலாம்ன்னு இருக்கேன். ஷார்ஜா, தோஹாவை தவிர தற்சமயம் வேறெங்கும் கிளைகள் இல்லை. விண்ணப்பம் வேண்டுவோர் ஆயில்யனை தொடர்பு கொள்க. அவர் எனது பேங்க் அக்கவுண்ட் தருவார். பணத்தை தவிர சாமி படம் போட்ட எந்த டாலரும் ஏற்றுக்கொள்ளப்பட மாட்டாது அது சுப்பிரமணிய சாமியா இருந்தாலும் கூட..!

டிஸ்கி 4: வீக் என்ட் ஜொள்ளு இனிமேல் சத்தியமா கிடையாது! மேலும் எனக்கு இந்த விசயத்தை வெகு சந்தோஷமாக சொன்ன மலையாள தோழருக்கு பேதி மாத்திரையை டீயில் அல்லது கோக்கில் எதில் கலந்து தருவது என்ற குழப்பம் இன்னும் இருக்கிறது. :(