Sunday, January 26, 2020

Mard Ko Dard Nahi Hota (Hindi: 2018)


Mard Ko Dard Nahi Hota (Hindi: 2018)


பிறப்பிலிருந்தே வலியே தெரியாத ஒரு மனிதன் அசகாய சூரன் (Super Hero) ஆக ஆசைப்படுதல் - இந்த ஒரு வரிதான் கதை. ஆனால் அதைத் திரைக்கதையாக்கி கொடுத்திருப்பதில் அட்டகாசமான ஆயிரம்சர பட்டாசாக்கி வெடித்திருக்கிறார்கள்.

இயக்குநர்: வாசன் பாலா. தமிழர் போலும். இடையிடையே வரும் தமிழ் வசனங்கள் போடா ராஸ்கோலு வகையாக இல்லாமல், அருமையாக ஒத்திசைந்துள்ளன. ஹாலிவுட் பிகிரேட் வகை ஆக்சன் திரைப்படங்களை ஒத்த சண்டைக்காட்சிகள். அதிலும் என் மனங்கவர்ந்த Kick-Ass போன்ற திரைப்படம் தமிழில் வராதா என்ற எதிர்பார்ப்பை நிரம்ப பூர்த்தி செய்துள்ள அவல நகைச்சுவை (Dark Humor) வகைத்திரைப்படம்.

சூப்பர் ஹீரோ திரைப்படத்தைப் பொறுத்தவரை, நாயகன், எதிர் நாயகன் இருவருக்கு மாத்திரமே வாய்ப்பு அதிகம் இருக்கும். ஆனால் இந்த திரைப்படத்தில் ஓரமாய் படுத்துக்கொண்டு வானொலியில் பாடல் கேட்கும் சிறுவன், சாமிக்கு மாலைப் போட்டுக்கொண்டவர், செக்யூரிடி ஆபிஸ் பியூன், துப்பாக்கி தர மறுக்கும் ஆபிசர் என்று அத்தனை பேரும் ஏதேனும் ஒரு கட்டமைப்பில் (ஃப்ரேம்!) தங்கள் முத்திரையைப் பதித்துவிடுகின்றனர். இயல்பான வசனங்கள் வேறு மனதை கொள்ளை கொள்ள வைத்தன.

குறைபாடுகளே இல்லையா என்றால் உண்டு. இறுதிக்காட்சியில் இயற்கை ஹீரோவுக்கு உதவும் காட்சி- கமர்சியல் சினிமா என்பதால் சல்தாஹே! ஆரம்பத்தில் வரும் சிறுவர்களின் சூப்பர் ஹீரோ பற்றிய காட்சி அழகு என்றாலும், பயங்கர நீளமாய்ப் பட்டது. அதை அதிகமாய் குறைத்திருக்கலாம். சிறுவர்களின் காட்சிகள் ஓவர்டோஸாகி ஒரு கட்டத்தில் அணைத்துவிடுவோமா என்றிருந்தவனை ஆரம்பத்தில் மிரட்டலான சண்டைக்காட்சி கட்டிப்போட்டுவிட்டதால் இரவு முழுமையாக திரைப்படம் கண்டு ரசித்தபின்பே தூங்கினேன்.

0 comments:

சுவாரஸ்யமாய் ஒரு விருது!

சுவாரஸ்யமாய் ஒரு விருது!
நன்றி ராப் அக்கா

மரம் வளர்ப்போம் மனிதர்களை காப்போம்

சுற்றமும் நட்பும்

நீங்களும் படிக்க...

 

Copyright 2008 All Rights Reserved Revolution Two Church theme by Brian Gardner Converted into Blogger Template by Bloganol dot com